Geschichtsverein Rösrath
      Rösroder Verzäll
     
 
Schloss Eulenbroich, Ülepooz
Däm Jeschichtsverein singe Setz

Ehr künnt vorbeikumme:
donnersdaachs vun 16-18 Uhr		      

Links, en de Medde, Rähts

Rösroder Verzäll em Aprel 2010 - opjeschrevve vum Caesarius

Och ... wat ha'mer doch esu vill Bleckwinkel en Rösrod. Jeder Rösroder hätt ene andere. Wat däm eine ze wigg links es, es däm andere ze wigg rähts. Opjepass ... wä en dr Speejel luurt, süüt alles verkihrt eröm. Un dann es links op eimol rähts un ömjekihrt. Woröm dä Bleckwinkel rähts jet scheef jerode es ... mer wessen et nit. Ehr künnt jo selvs demnächs ens henluure, ov dä Turm bei däm rächte Speejelbeld meddlerwiel noch jet scheefer jewoode es.


     


Dä Wellem us Rösrod meint: "Interessant weed et bestemp, wann einer e Finster opmäht oder ovends et Lich aanschalt. "

Caesarius Volberg



Üvvermorje es hück vörjester

Hee ha'mer opjeschrevve, wodrüvver die Lück en Rösrod jrad am Schwaade sin. Ov dat all esu richtich es ... mer wessen et nit. Mänchmol sin de Problemche vun hück üvvermorje nor noch zom Laache. Mänchmol es et och ömjekihrt.

Wann ehr demnächs mieh vun dänne Verzällcher lese oder nohluure wollt, wat füne Klaaf mer ald all dokumenteet han, dann luurt ens hee: Rösroder Verzäll 2010.

Üvvermorje es hück vörjester ... alsu Jeschichte! Wann ehr wollt, künnt ehr jo üvvermorje dä Verzäll noch ens nohlese un Üch froge: Wat es druss jewoode?

Dä Rösroder Verzäll hät dä Caesarius opjeschrevve. Nevve dä Schwaaderei vun dänne Lück hätte och die Bildche vun dänne Finster jemaht. Wann ehr jet loss wääde wollt oder wann ehr jet ze nöttele hat, dann künnt ehr däm Caesarius och en E-Mail schecke. Die Adress fingt ehr ungen drunger.

Ne schöne Jroß
vum Caesarius

         caesarius2010@gv-roesrath.de