Geschichtsverein Rösrath
      Rösroder Verzäll
     
 
Schloss Eulenbroich, Ülepooz
Däm Jeschichtsverein singe Setz

Ehr künnt vorbeikumme:
donnersdaachs vun 16-18 Uhr		      

... för sich ze räste

Rösroder Verzäll em Mai 2010 - opjeschrevve vum Caesarius

Och ... wat ha'mer doch en Rösrod esuvill Bänkelche öm sich ze räste. Üvverall ka'mer se finge ... die Bänkelche. Meeschtendeels staats erusjeputz un e prima Angaschemang för de Stadtverschönerung. Met un ohne Müllemmer. Mänchmol sin och zwei Müllemmer dobei. Die Bänkelche süüt mer aan de Haupstroß, vörem Ieslaade, om Meddelstriefe un em Könichsfors. De mietste sin us Iese oder Holz. Em Könichsfors jitt et sujar en jepolsterte Sitzjeläjenheit för die Wanderslück, die zwesche Vooschbich un Bänsberch e Päusje maache wolle.


  

  

  


Dä Pitter us Vooschbich meint: "Bei däm jepolstert Bänkelche zwesche Vooschbich un Bänsberch fählt noch e Büdche, wo'mer jet för ze drinke un vielleich en Körriwoosch kritt. Bei "Rongk öm Kölle" kumme die Radprofies aan dä Stell zweimol vorbei."

Caesarius Volberg



Üvvermorje es hück vörjester

Hee ha'mer opjeschrevve, wodrüvver die Lück en Rösrod jrad am Schwaade sin. Ov dat all esu richtich es ... mer wessen et nit. Mänchmol sin de Problemche vun hück üvvermorje nor noch zom Laache. Mänchmol es et och ömjekihrt.

Wann ehr demnächs mieh vun dänne Verzällcher lese oder nohluure wollt, wat füne Klaaf mer ald all dokumenteet han, dann luurt ens hee: Rösroder Verzäll 2010.

Üvvermorje es hück vörjester ... alsu Jeschichte! Wann ehr wollt, künnt ehr jo üvvermorje dä Verzäll noch ens nohlese un Üch froge: Wat es druss jewoode?

Dä Rösroder Verzäll hät dä Caesarius opjeschrevve. Nevve dä Schwaaderei vun dänne Lück hätte och die Bildche vun dänne Bänkelche jemaht. Wann ehr jet loss wääde wollt oder wann ehr jet ze nöttele hat, dann künnt ehr däm Caesarius och en E-Mail schecke. Die Adress fingt ehr ungen drunger.

Ne schöne Jroß
vum Caesarius

         caesarius2010@gv-roesrath.de