Geschichtsverein Rösrath
      Rösroder Verzäll
     
 
Schloss Eulenbroich, Ülepooz
Däm Jeschichtsverein singe Setz

Ehr künnt vorbeikumme:
donnersdaachs vun 16-18 Uhr		      

Schön jrön Plagge

Rösroder Verzäll em Juni 2010 - opjeschrevve vum Caesarius

Och ... wat stipp dann do en de Hüh? Op dä Wies en Vooschbich, wo se vör kootem die jruße Wahlplakate avjebaut han, süüt mer jetz schön jrön Plagge. Dat Krückche hät ene Schoss jedonn un wähs pielop en de Hüh. Dröm eröm woren se nit pingelich un han dat Jröns öntlich zeröckjeschnedde. En dänne üvv'rich jeblevve jröne Striefe blöhe wisse Majritte-Blömche. Mänch einer meint, dat dat Jröns Unkruck wör, dat mer usruppe mööt. Dobei es dat doch en "Wildblumenwiese". Do darf alles waaße ... och dat Unkruck.


  

  

  


Dä Pitter us Vooschbich meint: "Ov dä Jädener ze fuul wor, öm sich ze böcke ... kann ich nit beurdeile. Mingetwäje bruche se dat Unkruck nit uszerieße un künne die Blömche stonn losse."

Caesarius Volberg



Üvvermorje es hück vörjester

Hee ha'mer opjeschrevve, wodrüvver die Lück en Rösrod jrad am Schwaade sin. Ov dat all esu richtich es ... mer wessen et nit. Mänchmol sin de Problemche vun hück üvvermorje nor noch zom Laache. Mänchmol es et och ömjekihrt.

Wann ehr demnächs mieh vun dänne Verzällcher lese oder nohluure wollt, wat füne Klaaf mer ald all dokumenteet han, dann luurt ens hee: Rösroder Verzäll 2010.

Üvvermorje es hück vörjester ... alsu Jeschichte! Wann ehr wollt, künnt ehr jo üvvermorje dä Verzäll noch ens nohlese un Üch froge: Wat es druss jewoode?

Dä Rösroder Verzäll hät dä Caesarius opjeschrevve. Nevve dä Schwaaderei vun dänne Lück hätte och die Bildche vun dänne schön jrön Plagge jemaht. Wann ehr jet loss wääde wollt oder wann ehr jet ze nöttele hat, dann künnt ehr däm Caesarius och en E-Mail schecke. Die Adress fingt ehr ungen drunger.

Ne schöne Jroß
vum Caesarius

         caesarius2010@gv-roesrath.de