Geschichtsverein Rösrath
      Rösroder Verzäll
     
 
Schloss Eulenbroich, Ülepooz
Däm Jeschichtsverein singe Setz

Ehr künnt vorbeikumme:
donnersdaachs vun 16-18 Uhr		      

Mauerblömche

Rösroder Verzäll em September 2010 - opjeschrevve vum Caesarius

Och ... wat ha'mer doch en Rösrod nevven de Stroß esu vill Mauerblömche. Mer fingk se tirek aan de Mur, em Blomepott oder einfach esu op de Ääd. Em Juli, wo et esu drüch wor, han de Lück mänch Jeeskann op die Blömche jekipp. Em Aujuss, wo et esu vill jeränt hät, wor dat nit nüdich. Dat Wedder es för de Buure un uns Blomefründe jet komplizeet jewoode. Eimol kütt et wie us Emmere erav un en ander Mol es et esu drüch, wie en de Sahara. Nä nä ... wat sin dat nor fün Zigge?


  

  

  


Dä Wellem us Rösrod meint: "Wann dat jröne Plänzje aan der Mur en Rösrod-City noch jet jrößer weed, dann du'mer dat Loch en dä Mur met dem Mauerblömche zesamme zum Kunswerk erkläre. Titel: Mauer-Kunswerk".

Caesarius Volberg



Üvvermorje es hück vörjester

Hee ha'mer opjeschrevve, wodrüvver die Lück en Rösrod jrad am Schwaade sin. Ov dat all esu richtich es ... mer wessen et nit. Mänchmol sin de Problemche vun hück üvvermorje nor noch zom Laache. Mänchmol es et och ömjekihrt.

Wann ehr demnächs mieh vun dänne Verzällcher lese oder nohluure wollt, wat füne Klaaf mer ald all dokumenteet han, dann luurt ens hee: Rösroder Verzäll 2010.

Üvvermorje es hück vörjester ... alsu Jeschichte! Wann ehr wollt, künnt ehr jo üvvermorje dä Verzäll noch ens nohlese un Üch froge: Wat es druss jewoode?

Dä Rösroder Verzäll hät dä Caesarius opjeschrevve. Nevve dä Schwaaderei vun dänne Lück hätte och die Bildche vun dänne Mauerblömche jemaht. Wann ehr jet loss wääde wollt oder wann ehr jet ze nöttele hat, dann künnt ehr däm Caesarius och en E-Mail schecke. Die Adress fingt ehr ungen drunger.

Ne schöne Jroß
vum Caesarius

         caesarius2010@gv-roesrath.de