Geschichtsverein Rösrath
      Rösroder Verzäll
     
 
Schloss Eulenbroich, Ülepooz
Däm Jeschichtsverein singe Setz

Ehr künnt vorbeikumme:
donnersdaachs vun 16-18 Uhr		      

Elektroschrott un mih

Rösroder Verzäll em Oktober 2010 - opjeschrevve vum Caesarius

Och ... wat ha'mer doch en Rösrod esu vill Computerspezialiste. Un weil die Spezialiste jetz all Flachbildschirme am kaufe sin, fingk mer die aal schwer Röhrekeste beim Sperrmöll. Die will jetzt keiner mih han ... och die Möll-Profis nit, die et ovends mem Transporter durch et Städtche am jöcke sin un fas alles metnämme, wat mer noch verkloppe kann.


  

  

  


Dat Fränzje us Hoffnungsthal meint: "Mänch Häufje süüt us, als wenn dr Bletz drenjeschlage wör. Ävver et jitt och fein parat jemahte Köfferche, sauber zorteet. Fählt nor noch dat Scheldche: "För met ze nämme". Ich han mer us däm Köfferche e Böjelche metjenomme."

Caesarius Volberg



Üvvermorje es hück vörjester

Hee ha'mer opjeschrevve, wodrüvver die Lück en Rösrod jrad am Schwaade sin. Ov dat all esu richtich es ... mer wessen et nit. Mänchmol sin de Problemche vun hück üvvermorje nor noch zom Laache. Mänchmol es et och ömjekihrt.

Wann ehr demnächs mieh vun dänne Verzällcher lese oder nohluure wollt, wat füne Klaaf mer ald all dokumenteet han, dann luurt ens hee: Rösroder Verzäll 2010.

Üvvermorje es hück vörjester ... alsu Jeschichte! Wann ehr wollt, künnt ehr jo üvvermorje dä Verzäll noch ens nohlese un Üch froge: Wat es druss jewoode?

Dä Rösroder Verzäll hät dä Caesarius opjeschrevve. Nevve dä Schwaaderei vun dänne Lück hätte och die Bildche vun däm Elektroschrott un mih jemaht. Wann ehr jet loss wääde wollt oder wann ehr jet ze nöttele hat, dann künnt ehr däm Caesarius och en E-Mail schecke. Die Adress fingt ehr ungen drunger.

Ne schöne Jroß
vum Caesarius

         caesarius2010@gv-roesrath.de